Associações
ASGIC
Asociación Galega de Investigadores en Comunicación
Obxectivos
Promover e dinamizar a investigación en comunicación e en
información; animar os intercambeos entre persoas e grupos de estudosos
de cuestións actuais de comunicación, tanto por especialidade
como por países e áreas lingüísticas e xeo-políticas;
contribuír para a aplicación da pesquisa no eido académico,
profesional e mais institucional; potenciar as relacións da Facultade
de Ciencias da Comunicación da USC con parceiros de Europa e do mundo
así como interesar aos organismos de Goberno nos programas de investigación
en comunicación e na configuración de políticas públicas
para a sociedade do coñecemento.
Breve
histórico
A Asociación Galega de Investigadores en Comunicación (ASGIC)
é consecuencia, por unha banda, da creación en 1991 dos estudos
regrados de Xornalismo e Comunicación Audiovisual na Universidade
de Santiago de Compostela que levou a desenvolver diferentes liñas
de pesquisa alén da organización de encontros científicos
dos que o primeiro foi o Congreso internacional “A Comunicación
na Periferia Atlántica”, 1995, e pola outra, do desexo de recuperar
para o coñecemento e o pensamento crítico un espacio de intervención
nos escenarios máis representativos da comunicación no mundo
contemporáneo.
En novembro de 1998 o “II Coloquio Brasil-Estado Español de
Ciencias da Comunicación”, celebrado en Santiago de Compostela,
debatíu o tema “Investigación e Formación”
e levantou o interés en artellarmos unha asociación de pesquisadores
homóloga ás de outras Universidades da área lusófona,
para facilitar o fluxo de ideas e proxectos amais do establecemento de prácticas
interculturais naquelo que poida vir a ser un novo ameto de relación
e de intercambio, con base na diversidade da lusofonía.
Diretoria
Presidenta: Dra. Margarita Ledo Andión
Secretario: Dr. Xosé R. Pousa Estevez
Tesoureira: Dra. M. Antonia Pérez
Vocais: Dr. Xosé López García
Dr. Xosé Soengas Pérez
Dra. Antía López Gómez
ASGIC
Asociación Galega de Investigadores en Comunicación
Facultade de Ciencias da Comunicación
Avda. Castelao s/n, 15782 Santiago de Compostela - Galiza (Espanha)
E-mail: observa@usc.es
Fax: +34981547086